Rabaimet sámegielalaš Dikšunbáikkiválljen.fi siidduid
7.11.2016
Dikšunbáikkiválljen.fi-siidduid sáhtát lohkat dál maid sámegielalaš čujuhusas saame.hoitopaikanvalinta.fi. Siidduid olles sisdoallu lea dán rádjái leamaš oažžumis suoma-, ruoŧa-ja eŋgelasgillii, ja dál giellafálaldat viiddui davvisámegillii. Giela sáhtát válljet álkit giellafálus, mii oidno juohke siiddus. Davvisámegillii lea jorgaluvvon buot eará sisdoallu earret riikaguovdasaš dieđut ja dearvvašvuohtafuolahusa ámmátolbmuide čuozihuvvon oassi.
– Viggat viiddidit giellafálaldaga maid eará Suomas hubmon gielaide. Hálideimmet fállat maid sámegielalaš lohkkiide dieđu sin iežaset eatnigillii. Sávvat, ahte viidáneaddji giellaválljašumi mielde nu máŋggas dearvvašvuohtabálvalusaid geavaheaddjit go vejolaš sáhttet gávdnat siidduid ja atnit ávkki dan fállan dieđuin, muitala rájiid rasttildeaddji dearvvašvuohtafuolahusa kontáktačuoggá hoavda Marika Lahtivirta.
Siiddut, mat laktásit fáddái
- Muitte dáid áššiid, go geavahat olgoriikkalaš neahttaklinihka bálvalusaid1.2.2024
- Hárjehallamis hálti bargokarrierii – Loga golmma Rájiid rasttildeaddji dearvvašvuohtafuolahusa kontáktačuoggá ovddeš hárjehalli muitalusaid30.1.2024
- Kela (Áel): Suopma ii doaisttážii váldde atnui buohccedikšumis, mii addojuvvo olgoriikkain, ovdalohpemeannudeami EU buohccedirektiivva mielde19.12.2023
- Loga lasi